ಕೃಷ್ಣಾ ಮೂರುತಿ ಕಣ್ಣ ಮುಂದೇ ನಿಂತಂತೇ ಇದೇ
ಕಷ್ಟಗಳೆಲ್ಲಾ ಪರಿಹರಿಸೀ ಮನ
ಇಷ್ಟಾರ್ಥಗಳನೆಲ್ಲಾ ಕೋಟ್ಟೂ ರಕ್ಷಿಸುವ ಕೃಷ್ಣಾ
ಘಮಘಮಿಸುವ ಸೊಬಗಿನ ಸುಳಿಗುರುಳು
ಚಿವುರು ತುಳಸಿ ವನಮಾಲೆಯ ಕೊರಳು
ಬಗೆ ಬಗೆ ಹೊನ್ನುಂಗುರವಿಟ್ಟ ಬೆರಳು
ಸೊಬಗಿನ ನಾಭಿಯ ತಾವಾರೆ ಅರಳು ಕೃಷ್ಣಾ
ಮಸ್ತಕದಲಿ ಮಾಣಿಕ್ಯದ ಕಿರೀಟ
ಕಸ್ತೂರಿ ತಿಲಕದಿಂ ಪೊಳೆವ ಲಲಾಟ
ಹಸ್ತದಿ ಕೊಳಲೂದುವ ಓರ ನೋಟ
ಕೌಸ್ತುಭ ಎಡಬಲದಲ್ಲಿ ಓಲಾಟ ಕೃಷ್ಣಾ
ಉಡುದಾರ ವಡ್ಡ್ಯಾಣ ಸಕಲಾಭರಣ
ಬೆಡಗು ಪೀತಾಂಬರ ಶತರವಿ ಕಿರಣ
ಕಡಗ ಗಗ್ಗರೆ ಪೆಂಡೆಯನಿಟ್ಟ ಚರಣ
ಒಡೆಯ ಪುರಂದರ ವಿಠಲನ ಕರುಣ ಕೃಷ್ಣಾ
